والله ولا مليون مسلسل هيغير شرع ربنا يعنيروى الترمذي وأبو داود وابن ماجه من حديث أبي هريرة قال: قال رسول الله صلى الله عليه وسلم: “ثلاث جدهن جد وهزلهن جد: النكاح والطلاق والعتق”.الطلاق الشفهي يقع والزواج الشفهي صحيحلو واحدة قالت لواحد (قدام شهود) زوجتك نفسي، ورد عليها قبلت، وقع زواج شرعي له كافة الحقوق الشرعيةولو واحد قال لمراته انت طالق (بدون شهود) وقع طلاق وعدتها تبدأ من لحظة لفظه للكلمة، وعدة الحامل لحد ولادتها: ( وَأُولاتُ الأحْمَالِ أَجَلُهُنَّ أَنْ يَضَعْنَ حَمْلَهُنَّ )، ولو ولدت يوم طلاقها عدتها خلصت، ويجوز لها شرعاً الزواج تاني يوم وزواجها صحيح ولا يحق لأحد بإبطالهأما الدعاوي اللي طالعة بحجة المسلسل ان كدة الطلاق الشفهي مينفعش ولازم نطلع قانون نمنعه ومناخدش بيه زي السيسي ما كان عايز وشيخ الأزهر وقف له، فاحب اقولكم ده عند أم ترتر اللي انتم عايزين تمشوا ع حل شعركم معاهاالطلاق شرعاً هيقع بمجرد أن يتفوه به الزوج، وبانقضاء العدة هتبقى لا تحل له شرعاً، عدم الاعتراف الرسمي بالطلاق ده لانه غير موثق معناه ان اتنين يعيشوا مع بعض بالحرام، ومعناه ان الراجل يستغل الموضوع ده وبعد ما يطلقها ميرضاش يوثق الطلاق ولا يرضى يردها؛ فتفضل متعلقة لا هي متجوزة ولا قادرة تتجوز واحد غيره، ويبقى السبيل الوحيد ليها انها تخلعه رسمي وتتنازل عن كل حقوقها رغم ان هو اللي طلقها أصلاًبالإضافة إلى انه حتى لو حب يردها بعد انقضاء عدتها، فهي شرعاً من حقها مهر وشبكة من أول وجديد وتاخد مؤخرها ونفقتها عن الزيجة الأولى اللي انفسخت، بس نظراً لان القانون مش هيعترف بالطلاق ده أصلاً فهي كل حقوقها دي هتسقط، وهيبقى مش من حقها تطالب بمؤخرها القديم ولا بشبكة ومهر جديد، وتحمد ربنا أوي انه هيرجعها بدل ما تفضل متعلقة كدةبالإضافة لإن لو واحد طلق مراته تلات مرات ومينفعش شرعاً انهم يرجعوا لبعض، بس هم موثقوش الطلاق ده، فرسمياً مش هيعترف بانهم مطلقين وهيكملوا مع بعض في الحرام عادي، ويلا خليها مليطة هو حد هيحاسبنا انتم فاكرين نفسكم بتعملوا #أريد_حلاً هنا؟! الفيلم نجح ساعتها في تغيير القانون عشان كان بينادي بتطبيق الدين أصلاً مستمداً من آية صريحة «الطَّلَاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ وَلَا يَحِلُّ لَكُمْ أَنْ تَأْخُذُوا مِمَّا آتَيْتُمُوهُنَّ شَيْئًا إِلَّا أَنْ يَخَافَا أَلَّا يُقِيمَا حُدُودَ اللَّهِ فَإِنْ خِفْتُمْ أَلَّا يُقِيمَا حُدُودَ اللَّهِ فَلَا جُنَاحَ عَلَيْهِمَا فِيمَا افْتَدَتْ بِهِ»انما اللي انتم بتعملوه دلوقتي ده اسمه عك، فاتلموا كدة، عشان مليطة بمليطة احنا شرعاً نتجوز من غير قانون أصلاًالزواج الشرعي إشهار وقبول، وما دام كدة كدة مش هتعترفوا بشرع ربنا فتمام احنا كمان منعترفش بيكم، ونتجوز ونطلق من غير مأذون وورق رسمي أصلاً، وأهو نوفر أجرة المأذون والضرايب اللي بتاخدوها ع المهر والمؤخر 
#لعبة_نيوتن
لعبة نيوتن والطلاق الشفهي
سارة الليثي 