الحب أفعال مش صور وكلام

السوشيال ميديا كلها ولعت بأخبار انفصال #محمد_رشاد و#مي_حلمي قبل ما يدخلوا الفرح ع طول
أنا لا يعنيني سبب انفصالهم ومين غلطان ومين مش غلطان دي حياتهم الشخصية وهم حرين فيها ومش عايزة أخوض في الأسباب لأنها حاجة مش هتوصل لأي حاجة في الآخر
اللي عايزة اتكلم عنه هنا كمية التعليقات اللي ظهرت من نوعية آدي آخرة الحب ومفيش حاجة اسمها حب ومش عارف ايه
أولاً أنا عايزة أسأل الناس اللي بتقول الكلام ده هو انتم تعرفوا منين هم بيحبوا بعض ولا لا؟
هيرد عليا حد ويقولي ده بقالهم سنتين مخطوبين وبيعدوا ينزلوا صورهم مع بعض ويكتبوا لبعض كلام حب ويطلعوا في البرامج يحبوا في بعض ويغنيلها وتغني له وبتاع
معلش طب هو ده مقياس الحب يعني؟!
أي اتنين مخطوبين دلوقتي بيعملوا الكلام ده بتبقى جوازة صالونات أصلاً ولسة عارفاه امبارح وأمها هي اللي زنت عليها عشان توافق وأبوها أقنعها ان ده العريس اللقطة اللي هيجيبلها الشقة والعربية اللي نفسها فيهم ويعملها الفرح الواو اللي هتتباهى بيه على صحابتها وقرايبها فتوافق وتاني يوم تنزل ببوستات حب وسهوكة وهي لسة متعرفوش أصلاً!!!!
مش بقول ان كل اتنين بينزلوا بوستات حب ويتصوروا مع بعض ع السوشيال ميديا مبيحبوش بعض ولكن ده مش مقياس الحب
محدش بيضرب بوز في الصور ولا في اتنين هيتصوروا وهم بيتخانقوا ومش طايقين بعض ولا هينزلوا بوستات يشتموا فيها بعض لو لسة ناوين يكملوا عشان منظرهم قدام الناس
الكاميرا دايماً بتلقط الصورة الحلوة وبس والحب الحقيقي هو اللي بيحصل ورا الصور
الحب مش في نظرة عارفة انها هتتلقط بالكاميرا ولا شوية سهوكة ع فيديو لايف بنفرج عليه الناس
الحب حياة كاملة، الحب أفعال وتصرفات مش كلام وصور
مينفعش تحطوا اتنين مشاهير هم دليلكم للحب لو هم نجحوا يبقى الحب ناجح لو هم فشلوا يبقى الحب فاشل لأنكم أصلاً متعرفوش حقيقة مشاعرهم هل هي حب حقيقي فعلاً ولا جواز مصلحة بالعقل بيغلفوه للناس بمظهر الحب، انتم مش بتشوفوا من حياتهم غير اللي هم عايزين يورهولكم، وحتى لو بيحبوا بعض بجد ده مش معناه انهم هيبقوا المثل والقدوة اللي كل تصرفاتهم صح ولازم تقتدوا بيها، في ناس بتبقى بتحب أه بس بتعامل الطرف التاني معاملة زي الزفت لحد ما يطهق وينفصلوا، العيب هنا مش في الحب العيب في الشخص نفسه وتصرفاته وأخلاقياته اللي هو اتربى عليها طول عمره، الحب مبيغيرش حد 180 درجة، الحب بيطلع الحقيقة اللي جواك لو واحد حقيقته زفت هيبقى زفت مع اللي بيحبه ولو حد حقيقته نقي وطيب هيطلع كل الخير اللي جواه مع اللي بيحبه
وهنا يحضرني قول خالدة الذكر #كوكب_الشرق #أم_كلثوم لما قالت:
ياللي ظلمتوا الحب
وقلتوا وعدتوا عليه
قلتوا عليه مش عارف إيه
العيب فيكم يا في حبايبكم
أما الحب يا عيني عليه  

الإعلانات

مبادرة طلع الكاتب اللي جواك في برنامج الملكة

أعزائي المتابعين وكل مهتم بمجال الثقافة والأدب والكتابة

لقد تم ترشيحي مؤخراً للمشاركة في برنامج الملكة بمبادرتي #طلع_الكاتب_اللي_جواك، ستؤهلني المشاركة في البرنامج لتمثيل مصر على مستوى الوطن العربي إن شاء الله.

   تهدف مبادرة #طلع_الكاتب_اللي_جواك إلى تشجيع الناس على القراءة والكتابة للتعبير عن ذواتهم واخراج طاقاتهم ومشاعرهم المكبوتة من خلال الكتابة، وتوعية الناس بفوائد القراءة والكتابة ليس فقط على المستوى المعرفي والثقافي وإنما أيضاً على المستوى الصحي والعلاجي. فقد ثبت بالتجريب فوائد القراءة والكتابة العلاجية للعديد من الأمراض، كالأمراض النفسية والإدمان وعلاج السرطان وكذلك إصلاح وتقويم المساجين والأحداث ورفع الروح المعنوية للمسنين وردهم للحياة، ففي الخارج ودول العالم المتقدم تُعتمد القراءة والكتابة كوسيلة علاجية في كل المستشفيات ومصحات التأهيل النفسي وقد أتت بثمارها بالفعل وفقاً لشهادات العديد من المرضى سواء مرضى السرطان أو المرضى النفسيين الذين تم شفائهم بعد أن أطلقوا العنان لأنفسهم في التعبير عن كل ما يمرون به ويؤرقهم من خلال الكتابة، وقراءة العديد من الأعمال الأدبية التي تتناول مشاكلهم وأمراضهم بنحو إيجابي مما أعطاهم دفعة أمل وقدرة على الشفاء.

    والفئة المستهدفة من المبادرة ليست المرضى فقط وانما كل انسان، فكما نقول دائماً ان الوقاية خير من العلاج، فلم ننتظر أن نمرض بمرض ما حتى نبدأ العلاج بالكتابة أو القراءة ما دام العلاج في متناول أيدينا بكل سهولة، فإن أغلب الأمراض التي تنتابنا سواء كانت نفسية أو جسدية هي غالباً ما تكون بتأثير الحالة النفسية السيئة التي نمر بها، والتي غالباً ما تتفاقم نتيجة كبت المشاعر وعدم البوح بها، ولكن الكتابة تتيح لنا أن نعبر عن كل ما بداخلنا دون خوف، فليس شرطاً أن يطلع أحد على ما نكتب، فنحن فقط نكتب لنعبر عن ما بداخلنا.

    سأكون شاكرة وممتنة لكم إن قمتم بدعمي في برنامج الملكة حتى تتاح لي فرصة الفوز. يشارك في البرنامج حوالي ستون مرشحة من كافة أرجاء الوطن العربي، وسيتم إذاعة البرنامج على محطات التلفاز العربية، ومن المتوقع تلقي التغطية الإعلامية لحجم مشاهدة يتراوح بين 2 مليون إلى 3 مليون مشاهد.

يمكن دعم مشاركتي ومبادرتي في البرنامج من خلال الوسائل الموضحة أدناه أو كلها:

  • مشاركة حلقتي في البرنامج على صفحاتكم على السوشيال ميديا

https://www.facebook.com/ArabWomenOfficial/videos/778449042340322/

  • التصويت لمبادرتي #طلع_الكاتب_اللي_جواك على الموقع الإلكتروني للبرنامج من خلال الرابط التالي:

https://goo.gl/JFhv3v

  • تصوير فيديو قصير لإعلان دعمكم للمبادرة يشمل تعريف بشخصكم ورأيكم في المبادرة وأهدافها.

    إن كنتم مهتمين بدعمي برجاء التواصل معي عبر صفحتي الشخصية

    شكراً جزيلاً على وقتكم واهتمامكم

    تقبلوا خالص التحية،

سارة الليثي