مقالي #كيف_نختار_المحتوى_المناسب_لمنصات_السوشيال_ميديا؟ على موقع #حسوب
في انتظار تعليقاتكم ومناقشاتكم المثمرة في خانة التعليقات على الموقع
#مقالات #سارة_الليثي
قواعد العيد العشرون
- ده عيد لحمة مش عيد لبس.
- الشعب المصري كله بينزل يشتري لبس العيد قبل العيد بشهر وبرضه يوم الوقفة الشعب المصري كله بيفتكر فجأة ان اللبس مش لايق على بعضه وفي حاجة لازم ترجع وتتبدل!
- لازم تلفي على صحابك وقرايبك نفر نفر عشان تتأكدي ان مفيش واحدة منهم هتلبس زيك ولا حتى نفس اللون اللي انت لابساه، يعني معقولة تمشي في الشارع وتلاقي واحدة لابسة زيك يو ماست بي ديفرنت!
- مش هنضحي السنة دي عشان اللحمة غليت.
- تنضيفة العيد: لازم البيت يتنضف قبل العيد، هو لو العيد جه ولقانا منضفناش مخصوص علشانه هيرجع تاني؟!
- اكتشاف كنوز ضائعة من عصر ما قبل التاريخ وفضايح مستخبية خلال عملية التنضيف.
- يوم النضافة العالمي: نص الشعب بيستحمى يوم الوقفة والنص التاني واقف على باب الحمام مستني دوره!
- صلاة العيد: مين اللي قال ان صلاة العيد دي عشان نصلي ونسمع الخطبة ونذكر ربنا؟! أبسلوتلي صلاة العيد دي عشان نتفرج على بعض ونرغي ونحكي ونغني ونرقص ونروح.
- خروجة العيد: من أول الشهر بنفكر ونخطط لخروجة العيد وفي الآخر بترسي على اننا نعد نسقي البسكوت والكحك في الشاي قدام التليفزيون!
- محدش بيخرج في العيد عشان الشوراع زحمة!
- انت ابن/ بنت فلان؟ كبرت كدة امتى؟!
- انت كبرت خلاص فمش هتاخد عدية.
- العدية للصغيرين.
- عيد عليهم وذلهم: احنا لما كنا قدكم كنا بناخد جنيه واحد عدية وكنا بنبقى طايرين بيه من الفرح ومش عارفين نصرفه في ايه ولا ايه.
- الأب: مين ادالك عيدية السنة دي؟: عشان يحدد هيدي ولاد مين ومش هيدي ولاد مين!
- الأم: تعالى يا حبيبي أعد لك العيدية، أو هات العيدية أشيلهالك معايا عشان متضعش منك: وابقى قابلني ان شوفت جنيه واحد منها بعد كدة.
- لازم تدي عدية محترمة لخطيبتك: معرفش ليه ومين اللي لزمها وعلى أساس ايه بس هو لازم وخلاص!
- كلاكس العيد: هو العيد ايه غير شوية عربيات بتكلكس لبعضها في الشوارع وطظ في الناس اللي عايزة تنام!
- بمب العيد: يلا نولع في الناس اللي ماشية في الشارع.
- جواز الأعياد: الناس كلها بتتجوز في العيد، طب نحضر فرح مين ولا مين احنا مش كفاية اننا قاعدين نتفرج عليكم كمان هتشحططونا وراكم!
- السوشيال ميديا: عبارة عن خرفان ضالة ماشية تسرح في الأكونتات مش لاقية اللي يدبحها.
- لو معملتش بوست فيه تاج لكل صحابك عشان تهنيهم بالعيد يبقى انت كدة مبتحبهمش يا معلم حتى لو لسة شايفهم ومعيد عليهم وجهاً لوجه أمال فين الشو قدام بقية صحابهم على الفيس؟!
سارة الليثي 