من ذكريات أول حفل توقيع لي: ديوان #شعر_عامية جماعي باسم #خمسة_وخمسين صادر عن #دار_ضاد_للنشر_والتوزيع في #معرض_القاهرة_الدولي_للكتاب 2017 على مدونتي الشخصية
#سارة_الليثي
المصدر: حفل توقيع ديوان 55
أغار عليك
أغار عليك من ثيابك
ومن حقائب السفر تلك في يدك
أغار عليك من بطاقات هويتك
ورابطة عنقك وساعة يدك
أغار عليك من تلك الأشياء التي تحملها معك
ترحل بها وتسافر معك
أغار من ذكريات ولحظات تشاركها معك
ذكريات لن أكون أنا بها يوماً معك
لحظات لن أشاركها أبداً معك
أغار عليك من عيناك
إذ ترى غيري في سفرك وترحالك
أغار من كل حواسك
أغار من غيابك
إذ على غير رغبتي مني يأخذك
فأنا أغار عليك
وحقي أن أغار عليك
ألا تشرق شمسي كل يوم من مقلتيك
ألا يحيا نهاري كل صباح بقبلة من شفتيك
فكيف ليدي أن تغادر يوماً يديك؟!
وكيف لعيني أن تستيقظ يوماً دون عينيك
وكيف لقلبي أن يحيا يوماً دون أن يضمه خافقيك
فكيف لي إذاً أن لا أغار عليك؟!
وكيف لي أن أرى شمس غيري تشرق من مقلتيك؟!
وكيف لقلبي أن ينبض دون خافقيك؟!
لذا فأنا أغار عليك
بنت وحيدة
بنت وحيدة وسط الزحام
وألف عين بتنهش فيها
وألف ايد عايزة تتمد عليها
ايه يا حلوة رايحة فين؟
ما تيجي نروح ونيجي
الصرخة محبوسة جواها
عايزة تصرخ بعلو حسها
سيبوني وارحموني
أنا بنت من بناتكم
زيي زي أخواتكم
ليه بتهينوني؟
وفي عرضي بتهاجموني!
بس الصرخة مبتطلعش
ومن الحلق مبتظهرش
وهيفيد بايه الصراخ مع ناس مبتسمعش!
بس العيون كانت بتصرخ
وبكل قوة بتستنجد
ومن بين كل العيون لمحها
من بين كل العيون سمع صراخها
سهام عيونها في قلبه صابته
ومن مكانه حركته
قام وراح لها
وقف كل الدنيا عندها
ومن بين الزحام سلها
لفت بعيونها تشكره
وفي الزحام سابته
#خواطر_شعرية #سارة_الليثي
#طلع_الكاتب_اللي_جواك
#دعم_مبادرة_طلع_الكاتب_اللي_جواك_في_برنامج_الملكة_من_مصر
كل حاجة وعكسها
أنا كل حاجة وعكسها
أنا ألف حاجة في بعضها
أنا عاقلة وهادية في وقتها
ومجنونة وشعنونة بعدها
أنا خجولة وعيني مغمضة
وعيني بجحة لو في الحق قلتها
في لحظة بكون طموحة
متفائلة وبحضن الأمل
جوايا قوة تشق الحجر
وقادرة أغير القدر
وفي لحظة تانية
بكون يائسة ومحبطة
قوتي بكلمة تهدها
وإرادتي أضعف من إنها
تهزم ورقة بعجزها
أنا بحب الحياة وبكرها بعدها
وأرجع أحب الحياة تاني بمرها
والمر مهما زاد في قلبها
هتفضل الحياة هي اللي بحبها
أخاف منها وأحبها
وأكرها وأجري في حضنها
فمتلمش عليا لو كل لحظة بحالة عشتها
أصل أنا جوايا كل حاجة وعكسها
وبعيش كل لحظة بألف حالة في بعضها
وبكرهك وأحبك وأخاف منك
ألف مرة في وقتها
خليهم يجربوا
بيقولوا هيبعدوا
طب خليهم يجربوا
يمكن لما يبعدوا يقربوا
يمكن لما يدوقوا طعم الوحدة
يعرفوا قيمة اللمة
يمكن لما يعيشوا في البعد
يعرفوا قيمة القرب
يمكن لما يصحوا مايلاقوش الحب
يعرفوا غلط البعد
يمكن في البعد يفهموا
ان جنتهم في القرب
ان سعادتهم في الحب
ان اللي بيروح ما بيرجعش
واللي بيفوت مبيتعوضش
ان بكرة مالوش طعم غير مع بعض
والأحلام مبتتحققش غير بالحب
أول حفل توقيع لي: حفل توقيع ديوان 55
دورت عليك
دورت عليك بين القلوب
ملقتش قلب يشبه قلبك
دورت عليك بين الوشوش
ملقتش في طبية ملامحك
دورت عليك بين الضلوع
ملقتش غير همسك
دورت عليك بين العيون
ملقتش غير صورتك
فبرغم كل شيء
وبرغم كل قسوة
وبرغم كل بعد
بيفضل حضنك في الوجود
هو أدفى حضن
ولسة قلبك في الحياة
هو مرسى الحب
ويفضل كتفك هو السند
ومالي غير في حضنك بيت
وبين عيونك ضل وحيط
ومهما فاتت عليا سنين
ومهما مر عليا زمان
فاحتياجي لحبك
وشوقي لحضنك
أكبر من أي زمان
وفوق أي سنين
فيا اللي هاجر بقاله زمان
ياريت دلوقتي ترجع
بحن!
بحن لأيام زمان
أيام ما كنا صغار
بحن لكتبي ومريلتي
وشنطتي وضفيرتي
ومشواري لمدرستي
بحن لصحابي في الفسحة
ورغينا في الحصة
ووقفتنا في الطوابير
وتحيتنا للعلم
بحن لتأخيري على الحصة
وتذنيبتي في الحوش
بحن لرحلاتنا للنادي
وهدومنا المخالفة
بحن لساعات المذاكرة
وحرماني من فسحة
بحن لخوفي من الامتحانات
ودعايا في الصلوات
اني أجيب أعلى الدرجات
بحن لبكايا على درجة ناقصة
هتحرمني من المكافأة
بحن لوقفتي قدام المرايا
وأقول امتى أكبر؟!
بحن لأيام فات عليها زمان
وعمرها ما هترجع
الموقع أدناه
أقر أنا الموقع أدناه
أنه من يوم ما خد قلبي معاه
من يومها وعقلي بيتمناه
وعيوني مصرة تلقاه
وجفوني بتسهر تستناه
وخيالي بيحلم بلقاه
ومن يومها والنوم مش عارفة ألقاه
وراحة البال أخدها معاه
ولو كان في العمر باقي
وفي الحياة لسة تلاقي
فالنبض اللي في قلبي باقي
والنور اللي في عيني ساهي
متشالين لجل حبه هو
وعمري مش راح يكون لغيره هو
دورت عليك
دورت عليك بين القلوب
ملقتش قلب يشبه قلبك
دورت عليك بين الوشوش
ملقتش في طبية ملامحك
دورت عليك بين الضلوع
ملقتش غير همسك
دورت عليك بين العيون
ملقتش غير صورتك
فبرغم كل شيء
وبرغم كل قسوة
وبرغم كل بعد
بيفضل حضنك في الوجود
هو أدفى حضن
ولسة قلبك في الحياة
هو مرسى الحب
فيا اللي هاجر من زمان
ياريت دلوقتي ترجع
سارة الليثي 