عالم من الأقلام

 

 

      تعد الأقلام عنصر لا غنى عنه في حياة أي إنسان أياً كانت مرتبته ومهنته ومكانته الإجتماعية، فبدءاً من العامل البسيط وحتى أكبر رجال الأعمال يحتاج الناس إلى القلم لتدوين الأعمال والحسابات المختلفة والخواطر والأفكار وغير ذلك الكثير، ولتلبية حاجات تلك الأغراض فإن ماركات الأقلام أيضاً تنوع تنوعاً كبيراً حسب الحاجة إليها واستخداماتها، وفي هذا المقال سنخوض رحلة ممتعة للتعرف على أنواع الأقلام المختلفة واستخداماتها.

أنواع أقلام الكتابة:

  • أقلام حبر ريشة: هي أقلام حبر ذات طرف مدبب يشبه الريشة التي كانت تستخدم في الكتابة قديماً، وهي أنواع أقلام مناسبة لمحبي التراث والعراقة إذ توحي أقلام حبر الريشة بالفخامة وهي تعد أغلى أنوع ماركات الأقلام الحبر، والكتابة به تكون عن طريق تغطيس أقلام حبر الريشة في علبة الحبر وعند انتهاء حبر الكتابة يغطس فيه ثانية وهكذا، وهناك أنواع مختلفة لماركات الأقلام الحبر الريشة، مثل: باركر وشيفرز وترومان واستبروك وتيكو.
  • أقلام حبر سائل: هو قلم حبر كأقلام حبر الريشة ولكن لا يغطس في الحبر وإنما يعبأ الحبر في الجسم الداخلي لأقلام الحبر السائل.
  • قلم حبر جاف: يعد القلم الجاف أشهر ماركات الأقلام المستخدمة في الكتابة، ويتميز عن أنواع القلم الحبر الأخرى بكون الحبر جافاً فيه فلا يسكب منه بأي طريقة ولا يترك أثراً على الورق.
  • أقلام رصاص: هي تلك الأقلام المصنوعة من مادة الرصاص القابلة للمحو، وهي نوعين فهناك الأقلام الرصاص الخشبية التي تقوم على البري باستخدام مبراة الأقلام الرصاص، وأقلام السنون الميكانيكية التي تعتمد على تعبئة القلم بالسنون الرصاص واخراجها في سنه عن طريق الضغط على الزر الميكانيكي، وهي مناسبة للكتابة أو رسم الاستكشات حيث كثيراً ما تحتاج للمحو واعادة الرسم أو الكتابة.

أنواع القلم الإلكتروني:

    مع تطور التكنولوجيا تطورت الأقلام أيضاً لتناسب احتياجات العصر فتم اختراع أنواع مختلفة من القلم الإلكتروني ليستخدم مع الأجهزة الإلكترونية المختلفة، ومنها:

  • قلم رقمي للأجهزة الإلكترونية: هو قلم إلكتروني رقمي يعمل بخاصية اللمس لشاشات الكمبيوتر بدلاً عن الماوس ولوحة المفاتيح.
  • قلم إلكتروني للكتابة الإلكترونية: هو قلم الكتروني يتصل عن طريق الواي فاي بهاتف ذكي أو لاب توب لينقل كل ما يكتب على الورق إلى برامج الوورد حتى لو كانت الكتابة مشوشة وتتم بشكل سريع لا تفهم طلاسمها، حيث انه لا يترجم ما يكتب على الورق إنما يترجم حركة اليد بالقلم الإلكتروني.
  • قلم أيباد: هو قلم إلكتروني تصميمه مشابه للأقلام العادية غير إنه لا يستخدم إلا كقلم أيباد فقط وليس له أي وظائف خارج نطاق الأيباد ولا يحتاج إلى أي خبرة سابقة لاستخدامه وله شاحن خاص به يشحن من خلال الأيباد نفسه، ويمكن من خلاله الكتابة والرسم وتنفيذ التصميمات الإلكترونية على البرامج المختلفة بسرعة ضعف سرعة استخدام الأصابع.
  • قلم الكتروني قارئ للقرآن: هو قلم الكتروني يقرأ القرآن من المصحف المصحوب له وذلك بمرور القلم على الكلمات فيقرأها، وعادة يكون القرآن مسجلاً عليه بأصوات عديدة لمشاهير قراء القرآن الكريم، ويكون مصحوباً أيضاً بكتب التفسير والأحاديث الصحيحة.

أنواع أقلام ماركات أصلية:

   هذه الأنواع من الأقلام باهظة الثمن إذ يدخل في تصميمها أحياناً مواد من الذهب والفضة والألماس والأحجار الكريمة، وهي أنواع نادرة إذ عادة لا يتواجد منها غير نسخة أو اثنتين فقط في العالم كله ومن هذه الأنواع:

  • قلم ماركة جايا: هو قلم من انتاج شركة أوماس الجزء الداخلي منه مصنوع من ذهب عيار 18 والجزء الخارجي مصنوع من الذهب الأبيض المرصع بالأحجار الكريمة، ويصل سعر هذا القلم إلى 43 ألف دولار أمريكي.
  • قلم ماركة مارتي أوماس: تصميم هذا القلم يبرز جمال الطبيعة والصحاري والجبال، وهو مصنوع من الياقوت الأحمر بينما غطاءه مصنوع من الألماس، ويصل سعره إلى 43 ألف دولار أمريكي أيضاً.
  • قلم ماركة فيسكونتي ذا فوربيدن سيتي: هذا القلم مصمم خصيصاً لمحبي الفيلم الهوليودي ذا فوربيدن سيتي للبطل الصيني جاكي شان، حيث يتمتع القلم بتصميمات وكتابات صينية، وهو مصنوع من مادة الراتنج الأسود ويحتوي في تكوينه على الألماس وذهب عيار 18، ويتجاوز سعره 50 ألف دولار أمريكي.
  • قلم ماركة فيسكونتي الشيمي: هو من أقلام الحبر السائل له سنين مصنوعين من ذهب عيار 18 ووعاء داخلي للحبر بينما جسم القلم نفسه مصنوع من الماس والياقوت وغطاءه من الذهب والفضة، ويصل سعره إلى 57 ألف دولار أمريكي.
  • قلم ماركة أوماس بلاتنيوم فونيكس: هو من أقلام الحبر السائل، مصنوع من البلاتين بشكل مخروطي بينما سن القلم مصنوع من ذهب عيار 18، ويصل سعره إلى 60 ألف دولار أمريكي.
  • قلم ماركة لا مودرنيستا دياموند كراند أشي لا: هذا القلم يصل سعره إلى 265 ألف دولار أمريكي حيث أنه مصنوع من 5072 قطعة ألماس و96 قطعة ياقوت، بينما سنه مصنوع من الروديوم عيار 18، وهو من أقلام الحبر السائل.
  • قلم ماركة مونت بلانس: هي أقلام حبر سائل مصنوعة من الزمرد والياقوت الأحمر والأزرق ليصل سعره إلى 730 ألف دولار أمريكي.
  • أقلام من ماركة الكارتير: تعد أقلام كارتير أرخص أنواع أقلام الماركات الأصلية والتي تعد في متناول اليد إلى حد ما مقارنة بالأنواع السابقة، حيث إن أقلام كارتير مصنوعة من الفضة المطلية بالبلاتنيوم ويصل سعر القلم الواحد من أقلام كارتير إلى 444 دولار أمريكي، ولأقلام كارتير أنواع مختلفة، فمنها أقلام حبر ريشة وأقلام حبر سائل وأقلام حبر جاف وأيضاً أقلام رصاص الميكانيكي، وعادة يباع قلم كارتير مصحوباً بشهادة ضمان حيث أن الشركة المصنعة لقلم كارتير تجري صيانة له عند اصابته بأي تلف.
الإعلانات

يوميات بنوتة مصرية (17): وأنا مهما كبرت صغير

تدخل مريم ومعها صديقتها راندا إلى غرفتها وبيدها اللاب توب.

مريم: تعالي بالراحة بدل ما حد يحس بينا ونتفضح!

   يغلقون الباب ويجلسون على السرير ويفتحون اللاب توب ويشاهدون فيه شيئاً ما بانتباه شديد، وفجأة تفتح مروة باب الغرفة وتدخل؛ فتغلق مريم اللاب توب سريعاً.

مروة: انتم بتعملوا ايه؟!

راندا: ولا حاجة يا طنط.

مروة: أمال قفلتم اللاب توب بسرعة أول ما دخلت ليه؟!

مريم: مفيش يا ماما.

مروة: هاتي وريني اللاب ده.

مريم: في ايه يا ماما؟

تسحبه منها بقوة: بقولك هاتيه!

تفتح اللاب توب لترى ما كانوا يشاهدونه عليه: يا تافهة يا بنت التافهة منك ليها قاعدين بتتفرجوا على كرتون؟!

مريم: ده مش كرتون ده انيميشن!

  • لا يا اختي فرقت كدة؟!
  • أه طبعاً تفرق كتير أصلاً الانيميشن ده فن عالي وبيتصرف عليه ملايين والقصص اللي فيه قصص ذات مغزى.
  • مغزى؟! والله أنا شكلي هغزك واخلص منك عشان ارتاح عن قريب.
  • يعني مش أحسن ما كنت تلاقينا بنتفرج على قلة أدب ولا حاجة؟!
  • يا ريت يا اختي أشوفك بتتفرجي على قلة أدب ولا زفت على الأقل أطمن انك كبرتي وعايزة تتجوزي.

 راندا: ايه ده يا طنط هو انت من حزب انتصار ولا ايه؟!

مريم: مكنتش اتصور انك كدة أبداً يا ماما خيبتي أملي والله  😛

مروة: جتكم القرف انتم الاتنين خليكم حاطين بوزكم في بوز بعض كدة لحد ما تبوروا انتم الاتنين وتعدوا في أرابيزنا للأبد!

تخرج مروة وتغلق الباب خلفها بعصبية.

راندا: هي ايه الأرابيز دي يا بت؟

مريم: جمع أربوز.

  • لا يا شيخة؟ تصدقي نورتي المحكمة انت كدة!
  • يعني أعملك ايه؟ ايه الأسئلة الغريبة اللي انت بتسأليها دي؟!
  • مش انت المثقفة بتاعتنا؟
  • اه مثقفة في الأرابيز معايا شهادة من جامعة الأرابيز قسم أربوز!
  • هههههههههههههه

…………………………

يدق جرس الباب، وتفتح مريم الباب لتجد خالاتها ومعهن أطفالهن؛ فترحب بهن: اتفضلي يا خالتو اتفضلي يا خالتو.

الأطفال: واحنا ملناش اتفضلوا؟!

مريم: اتفضلوا يا لمضين، ماما ماماااااا خلاتي جم.

تدخل مروة مرحبة: أهلاً أهلاً إزيكم وحشتوني (قبلات وأحضان) كدة يا أندال تعدوا المدة دي كلها متسألوش عليا؟!

ملك: معلش يا حبيبتي مشاغل، ما أنت عارفة العيال وقرفهم.

مروة: ربنا يكون في عونكم.

مي: تسلمي يا حبيبتي.

مروة لمريم: يلا اعملي لنا شاي، وخدي ولاد خالاتك معاكي في أوضتك.

مريم: يعملوا ايه في أوضتي؟!

مروة: لعبيهم في أي حاجة، اتدربي عليهم عشان لما تتجوزي وتخلفي تعرفي تتعاملي مع عيالك كويس.

مريم: خش يا اخويا منك ليها، ما هم يخلصوا منكم على قفايا أنا!

يوميات بنوتة مصرية (7): حب حضانة

  تجلس مريم على الكنبة في حجرة المعيشة في وضع القرفصاء واللاب توب على حجرها وإلى جوارها يجلس طفل صغير.

يوسف: انت بتعملي ايه؟

مريم: بشوف الفيس بوك.

  • بتكلمي صاحبك عليه؟
  • نعم؟
  • ما تعمليلي أكونت على الفيس بوك!
  • وانت عايز أكونت تعمل بيه ايه يا ابو 6 سنين انت؟!
  • عايز أكلم تسنيم صاحبتي وحشتني أوي مشفتهاش من ساعة ما أخدنا الأجازة!
  • افندم يا حبيبي؟ تسنيم مين؟!
  • تسنيم صاحبتي اللي معايا في الفصل.
  • واشمعنى يعني تسنيم بالذات؟!
  • اصل تسنيم دي حبيبتي اللي هتجوزها لما أكبر.
  • لا والله؟! انت عارف يعني ايه جواز أصلاً؟!
  • أه طبعاً عارف.
  • طب يعني ايه؟
  • يعني فرح وعريس وعروسة يلبسوا بدلة وفستان أبيض ويرقصوا مع بعض وبعدين يروحوا يعيشوا في بيت لوحديهم.
  • وهتعملوا ايه لما تعيشوا في بيت لوحديكم؟
  • هنلعب مع بعض.
  • هتلعبوا ايه؟
  • هنلعب كل اللعب اللي احنا بنحبها مع بعض من غير ما حد يضايقنا ويقولنا بطلوا لعب وقوموا ذاكروا! شايفة البازل ده؟
  • اه جميل هتلعبوا بيه مع بعض؟
  • هي اللي جايبهولي هدية في عيد ميلادي أصلاً.
  • لا يا شيخ؟!
  • اه بس أوعي تقولي لماما أحسن أنا قولت لها اني اشتريته من مصروفي.
  • لا والله وكمان بقيت تكدب؟!

  وهنا تدخل أمها قائلة: شايفة البنات اللي عارفة مصلحتها بدري بدري مش خيبة زيك.

  • بس كدة من عنيا الاتنين من بكرة هنزل اشتري دستة هدايا أوزعها على الشباب في الشارع مدام ده هيبسطك!
  • بس يابت اتلمي بطلي قلة أدب.
  • سبحان الله، هي مش كانت من شوية نصاحة والبت عارفة مصلحتها هتحيرني معاكي ليه بقى؟!

يوسف: بس والنبي متقوليش لماما يا طنط احسن تقول لمامتها وميخلوناش نلعب مع بعض تاني.

تضحك مروة: حاضر يا حبيبي مش هقولها ادخل العب انت مع مروان ومصطفى جوة.

مريم: أمه هتيجي تاخده امتى ده أنا اتخنقت منه خلاص!

  • ليه عشان فكرك بخيبتك وحالك الواقف؟
  • لا حول ولا قوة إلا بالله ماله حالي ما هو زي الفل اهو!
  • اه زي الفل أوي خليكي قاعدة في وشي ليل ونهار كدة بالهباب اللي في ايدك ده لحد القطر ما يدوسك تحته مش يفوتك بس!

على رأي المثل: اعدي واملي شروطك عمر قطر الجواز ما يفوتك.