أنا كل حاجة وعكسها
أنا ألف حاجة في بعضها
أنا عاقلة وهادية في وقتها
ومجنونة وشعنونة بعدها
أنا خجولة وعيني مغمضة
وعيني بجحة لو في الحق قلتها
في لحظة بكون طموحة
متفائلة وبحضن الأمل
جوايا قوة تشق الحجر
وقادرة أغير القدر
وفي لحظة تانية
بكون يائسة ومحبطة
قوتي بكلمة تهدها
وإرادتي أضعف من إنها
تهزم ورقة بعجزها
أنا بحب الحياة وبكرها بعدها
وأرجع أحب الحياة تاني بمرها
والمر مهما زاد في قلبها
هتفضل الحياة هي اللي بحبها
أخاف منها وأحبها
وأكرها وأجري في حضنها
فمتلمش عليا لو كل لحظة بحالة عشتها
أصل أنا جوايا كل حاجة وعكسها
وبعيش كل لحظة بألف حالة في بعضها
وبكرهك وأحبك وأخاف منك
ألف مرة في وقتها
سارة الليثي 
للحب جنون وفنون … حينما يفقد العقل وعيه ويفيق
فأنا بداخلي اثنين أحدهما مراهق سجين والآخر عاقل طليق وكلاهما يطغى على الآخر
إعجابLiked by 1 person
الله عليك
إعجابإعجاب